Bakıda 9 yaşlı uşağın bağırsağından yad cisimlər çıxarılıb

Bakıda 9 yaşlı uşağın qarın boşluğundan batareya və maqnit qırıntıları çıxarılıb.

Denmedia.az xəbər verir ki, bu barədə Kliniki Tibbi Mərkəzi (KTM) məlumat yayıb.

Bildirilib ki, 2015-ci il təvəllüdlü azyaşlı sentyabrın 11-də qarın nahiyəsində kəskin ağrı, ürəkbulanma, qusma və yüksək hərarət səbəbindən təcili yardıma çatdırılıb.

Valideynlərlə söhbət zamanı məlum olub ki, uşaq autizm spektr pozuntusundan əziyyət çəkir və yad cisim udmağa meyillidir. Onun bir neçə gün əvvəl batareya və maqnit qırıqları udması müəyyən edilib.

Aparılan rentgen müayinəsində qarın boşluğunda çoxsaylı yad cisimlər aşkarlanıb və təcili cərrahi əməliyyat qərarı verilib. Əməliyyat zamanı bağırsaq ilgəklərində çoxsaylı deşilmələr aşkarlanıb, iki hissədən rezeksiya aparılaraq anastomoz qoyulub.

14 günlük stasionar müalicədən sonra azyaşlının vəziyyəti qənaətbəxş olub və o, evə buraxılıb.