İdman zalından çıxan müğənnilərin meyitləri görün hardan tapıldı-FOTO

Meksikada turnedə olan "DJ King" ləqəbli kolumbiyalı müğənni Bayron Sançes və Xorxe Luis Herreranın meyitləri tapılıb.

“DenMedia.az”  xarici KİV-ə istinadən xəbər verir ki, sentyabrın 16-dan itkin düşən 31 yaşlı Sançes və 35 yaşlı Herreranın cəsədləri paytaxt Mexikodan təxminən 50 kilometr aralıda yerləşən Kokotitlan qəsəbəsində aşkarlanıb.

Meksika Baş Prokurorluğu hadisə ilə bağlı genişmiqyaslı araşdırmaya başlanıldığını açıqlayıb. Mətbuat müğənnilərin ölümünün narkotik qaçaqmalçıları ilə bağlı ola biləcəyini yazıb.

Kolumbiya prezidenti Qustavo Petro onların ölümündə beynəlxalq mafiya və narkotik tacirlərini günahlandırıb.

Qeyd edilib ki, Sançes və Herrera sonuncu dəfə sentyabrın 16-da Mexiko şəhərinin Polanko rayonunda idman zalından çıxarkən görüntülənib.