Pezeşkian ABŞ-yə şərt qoydu: Öhdəliklərə qayıtsa, İran da addım atacaq
İran ABŞ öz öhdəliklərinə qayıdacağı təqdirdə, Tehran və Vaşinqton arasında 2026-cı ilin iyununda imzalanmış İslamabad memorandumunun şərtlərini yerinə yetirməyə davam edəcək.
Bunu İran Prezidenti Məsud Pezeşkian Şanxay Əməkdaşlıq Təşkilatına (ŞƏT) üzv ölkələrin Dövlət Başçıları Şurasının iclasında bildirib.
Pezeşkian vurğulayıb ki, ABŞ tərəfindən istənilən pozuntu İranın adekvat cavabı ilə qarşılanır.
“Aydındır ki, ABŞ-nin öhdəliklərini pozması İranın mütənasib cavabı ilə qarşılandı. Lakin açıq şəkildə bildirirəm: əgər ABŞ qeyd olunan anlaşma memorandumu üzrə öhdəliklərini yerinə yetirməyə qayıdarsa, İran İslam Respublikası da dərhal qarşılıq verəcək”, – Pezeşkian bildirib.
İran Prezidenti həmçinin qeyd edib ki, Tehran Vaşinqtondan fərqli olaraq beynəlxalq müqavilələr üzrə öhdəliklərini yerinə yetirməkdə qüsursuz reputasiyaya malikdir.
O əlavə edib ki, İran həmişə beynəlxalq hüququn prinsiplərinə uyğun hərəkət edib.
