Tehran və Vaşinqton arasında dolayı təmaslar davam edir
saida
İran və ABŞ arasında fikir ayrılıqları davam etsə də, tərəflər vasitəçi ölkələr üzərindən mesaj mübadiləsini davam etdirirlər.
IRNA-nın məlumatına görə, bunu İran Xarici İşlər Nazirliyinin sözçüsü İsmayıl Bəqayi açıqlayıb. Danışıqlarda Pakistan, Oman və Qətər vasitəçi rolunu oynayır.
Onun sözlərinə görə, tamhüquqlu dialoqun başlanması üçün etibarlı zəmin yaradılmalıdır. İran rəsmisi bu zəminin ABŞ-ın hərəkətləri nəticəsində pozulduğunu iddia edib.
İsmayıl Bəqayi həmçinin Tehranın Hörmüz boğazından kommersiya gəmilərinin təhlükəsiz keçidinin təmin olunması ilə bağlı bütün öhdəliklərini yerinə yetirdiyini bildirib.
O, Vaşinqtonu daha əvvəl əldə edilmiş razılaşmaları pozmaqda ittiham edib. Hazırda Oman tərəflər arasında gəmilərin təhlükəsiz hərəkəti ilə bağlı danışıqları davam etdirir.
