Türkiyədə fahişəliyə vasitəçilik əməliyyatı: Siyasətçi, iş adamı və hüquqşünasların adı hallanır!

Türkiyənin Rizə şəhərində fahişəliyə vasitəçilik etdikləri iddia olunan şəxslərə qarşı əməliyyat keçirilib.

Xəbərin ilkin yerli mənbələrindən biri isə Rize’nin Sesi nəşridir.

Rizə Respublika Baş Prokurorluğunun koordinasiyası ilə aparılan istintaq çərçivəsində şübhəlilər üç ay ərzində texniki və fiziki nəzarətdə saxlanılıb. Daha sonra müəyyənləşdirilən ünvanlarda eyni vaxtda əməliyyatlar təşkil edilib.

Əməliyyat zamanı fahişəliyə təşviq və vasitəçilik etmək, bu məqsədlə yer təmin etmək və şantaj ittihamları ilə dörd nəfər saxlanılıb.

İşlə əlaqəsi olduğu ehtimal edilən 50-yə yaxın şəxsin ifadəsi alınıb. İfadə verənlər arasında siyasətçilərin, iş adamlarının, hüquqşünasların və səhiyyə işçilərinin olduğu iddia edilir. Bu şəxslərin kimliyi açıqlanmayıb.

Polisdəki prosedurlardan sonra məhkəməyə çıxarılan dörd şübhəlinin hamısı barəsində həbs qərarı verilib. Onlar Kalkandere L tipli cəzaçəkmə müəssisəsinə göndəriliblər.

İstintaq davam edir və işlə əlaqəli olduğu ehtimal edilən digər şəxslərin də ifadələrinin alınacağı bildirilir.

Denmedia.az