Zəlzələdən sonra ağır mənzərə: ölənlərin sayı 3 685-ə çatdı

Venesuelada 24 iyunda baş verən güclü zəlzələlər nəticəsində ölənlərin sayı artıb.

Venesuela Kommunikasiya və İnformasiya Nazirliyinin məlumatına görə, fəlakət nəticəsində həyatını itirənlərin sayı ən azı 3 685 nəfərə yüksəlib.

Nazirliyin son açıqlamasında bildirilib ki, yaralıların sayı dəyişməyərək 16 740 nəfər olaraq qalır. Bundan başqa, 6 462 nəfər dağıntılar altından xilas edilib, 17 907 nəfər isə evsiz qalıb.

Məlumata əsasən, 25 970 zərərçəkənə tibbi yardım göstərilib. Axtarış-xilasetmə işləri isə 4 388 beynəlxalq əməkdaş, 29 567 venesuelalı rəsmi şəxs və 28 362 könüllünün iştirakı ilə davam etdirilir.

Nazirlik həmçinin qeyd edib ki, 24 iyundan bu yana 1 076 təkrar yeraltı təkan qeydə alınıb.

Venesuela 24 iyunda əvvəlcə 7,2 bal gücündə zəlzələ ilə sarsılıb. Bundan cəmi 39 saniyə sonra 7,5 bal gücündə daha bir zəlzələ baş verib. Ardıcıl yeraltı təkanlar ölkənin müxtəlif bölgələrində ciddi dağıntılara səbəb olub.

Qeyd edək ki, əvvəlki rəsmi açıqlamada ölənlərin sayı 3 535 nəfər, yaralıların sayı isə 16 740 nəfər kimi göstərilmişdi.

DenMedia.az