WSJ İran münaqişəsində BƏƏ-nin gizli rolundan yazdı
saida
Birləşmiş Ərəb Əmirlikləri ABŞ və İran arasında münaqişə başlayandan bəri qonşu ölkəyə qarşı çoxsaylı zərbələr endirib.
Bu barədə The Wall Street Journal mənbələrə istinadən yazıb.
Bununla belə, son dövrdə Əbu-Dabi daha sülhpərvər mövqe nümayiş etdirir və münaqişənin diplomatik yolla həllində israr edir.
Nəşrin mənbələrinin sözlərinə görə, BƏƏ-nin hücumları ABŞ və İsrail ilə koordinasiya olunub. Vaşinqton və Təl-Əviv Əbu-Dabiyə kəşfiyyat məlumatları təqdim edib.
Söhbət Hörmüz boğazındakı Keşm və Əbu Musa adalarındakı obyektlərdən, həmçinin Lavan adasındakı neft emalı zavodundan gedir.
Mənbələr bildiriblər ki, bu zərbələrin bir qismi Tehranın BƏƏ-nin neft-qaz infrastrukturuna hücumlarına cavab olaraq həyata keçirilib.
Xüsusilə Əsəluye kompleksinə İsraillə birgə endirilən zərbə ABŞ-ı İsrail tərəfinə müraciət etməyə vadar edib. Vaşinqton İsraildən enerji obyektlərinin atəşə tutulmasını dayandırmağı xahiş edib.
