Vens məqsədinə çata bilmədi

Financial Times-ın məlumatına görə, ABŞ-ın vitse-prezidenti Cey Di Vens İran və Macarıstanda mühüm təşəbbüslərin həyata keçirilməsində uğursuzluğa düçar olub.

Nəşr yazır ki, Cey Di Vens bazar günü Vaşinqtona əhəmiyyətli nəticələr əldə etmədən qayıdıb və bu, ABŞ Prezidenti Donald Trampın əsas xarici siyasət planlarının icrasında uğursuzluq kimi qiymətləndirilir.

Bildirilir ki, İslamabadda İranla keçirilən danışıqlardan sonra münaqişənin dayandırılması ilə bağlı razılıq əldə olunmayıb.

Bundan əlavə, Vensin Macarıstana səfəri də nəticəsiz qalıb. Səfərin məqsədi Baş nazir Viktor Orbanın dəstəyini qazanmaq idi, lakin onun partiyası seçkilərdə məğlub olub.

Nəşr qeyd edir ki, bu iki hadisə Cey Di Vens üçün ciddi uğursuzluq hesab olunur. O, son günlər uğur şansının aşağı olduğu diplomatik missiyalarla müxtəlif ölkələrə göndərilirdi və bir çoxları onu Trampın mümkün varisi kimi görür.

DenMedia.az