ABŞ və İsrail İranda neft-kimya şirkətlərinə zərbələr endirdi, ölənlər var

ABŞ və İsrailin İranın cənub-qərbində yerləşən Xuzistan əyalətinin Mahşəhr limanındakı xüsusi neft-kimya zonasının ərazisinə zərbələr endirməsi nəticəsində 5 nəfər ölüb.

Denmedia.az xəbər verir ki, bu barədə ISNA məlumat yayıb.

“Mahşəhr neft-kimya kompleksinə hücumda 5 nəfər ölüb, 170 yaralı xəstəxanadan evə buraxılıb”, – məlumatda bildirilib.

Qeyd edək ki, Mahşəhr (və ya Bəndər Mahşəhr) İranın cənub-qərbində, Xuzistan ostanında yerləşən mühüm liman və sənaye şəhəridir. Regionun ən böyük neft-kimya mərkəzlərindən biridir. Burada “İmam Xomeyni” adına neft-kimya kompleksi və xüsusi iqtisadi zonalar yerləşir. Şəhər Fars körfəzinin sahilində yerləşir və strateji dəniz limanına malikdir.