"İnsanlar olan bank bombalandı" - Araqçi ABŞ və İsraili ittiham etdi
saida
İranın xarici işlər naziri Abbas Araqçi X sosial şəbəkəsində ABŞ və İsraili ölkənin ən qədim bankına hava zərbəsi endirməkdə ittiham edib.
Hava hücumu bank binasında əməkdaşlar olduğu vaxt həyata keçirilib.
Nazir hadisənin dəqiq yeri, vaxtı və mümkün zərərçəkənlər barədə əlavə məlumat verməyib. Onun sözlərinə görə, bank əməkdaşları həmin vaxt yerli Yeni il ərəfəsində iranlıların ərzaq təminatı ilə məşğul olurdular.
Abbas Araqçi bildirib ki, İranın hərbi qüvvələri bu hücumun qisasını alacaq. İsrail və ABŞ rəsmiləri isə hadisə ilə bağlı hələlik rəsmi açıqlama verməyiblər.
