Həmrəylik nümunəsi – Ukraynadan 26 uşaq reabilitasiya üçün Bakıya gətirildi

Ukraynadan daha bir qrup uşaq reabilitasiya üçün Bakıya gəlib.

Bu barədə Ukraynanın Azərbaycandakı səfiri Yuri Qusev sosial media səhifəsində məlumat verib.

Onun sözlərinə görə, 2026-cı ildə ilk qrup 26 uşaqdan ibarətdir. Onlar Bakıda peşəkar tibbi nəzarət və zəruri reabilitasiya dəstəyi alacaqlar. Söhbət Ukrayna müdafiəçilərinin övladlarından gedir.

Diplomat qeyd edib ki, 2022-ci ildən bu günədək Azərbaycanda artıq 498 ukraynalı uşaq reabilitasiya proqramından keçib.

Yuri Qusev Azərbaycana göstərilən həmrəylik və dəstəyə görə təşəkkürünü bildirib.

Denmedia.az