“Vurmazsa, İran güclənəcək” — Səudiyyədən Trampa qapalı xəbərdarlıq
saida
Səudiyyə Ərəbistanının müdafiə naziri şahzadə Xalid bin Salman ABŞ-a səfəri zamanı bildirib ki, əgər ABŞ prezidenti Donald Tramp İrana qarşı səsləndirdiyi təhdidləri yerinə yetirməsə, İran daha da güclənəcək. Bu barədə Axios məlumatlı mənbələrə istinadən yazır.
Mənbələrin sözlərinə görə, nazir Vaşinqtonda keçirilən qapalı görüşdə şəxsi söhbətlər zamanı Trampın bir neçə həftədir səsləndirdiyi təhdidlərdən sonra İrana qarşı hərbi addımlar atmaq məcburiyyətində qalacağını düşündüyünü deyib.
“Əgər bu baş verməsə, bu, yalnız rejimi daha da cəsarətləndirəcək”, — portal mənbələrə istinadən səudiyyəli nazirdən sitat gətirir.
Axios qeyd edir ki, bu mövqe Səudiyyə Ərəbistanının ictimai bəyanatları ilə ziddiyyət təşkil edir; rəsmi açıqlamalarda Ər-Riyad eskalasiyadan çəkindirirdi.
