Qaydalara zidd məzmunlara qarşı sərt addım: Telegram minlərlə kanalı bağladı
saida
Ötən cümə axşamı Telegram platforma qaydalarını pozan məzmunlara görə 348 620 kanal və icmanı silib. Bu barədə messencerin rəsmi statistikasında deyilir.
Qeyd olunan göstərici ilin əvvəlindən bəri ən yüksək rəqəmlərdən biri hesab olunur. Daha genişmiqyaslı birgünlük bloklama yalnız 1 yanvar tarixində qeydə alınıb — həmin gün 542 994 kanal və qrupun fəaliyyəti məhdudlaşdırılıb. Ümumilikdə isə ilin əvvəlindən bu günə qədər Telegram 3 957 198 icmanı bloklayıb, o cümlədən terror fəaliyyəti ilə əlaqəli 12 278 resursu.
Şirkət bildirir ki, moderasiya sistemi 2015-ci ildən fəaliyyət göstərir və istifadəçi şikayətləri ilə yanaşı, maşın öyrənməsinə əsaslanan proaktiv monitorinqi özündə birləşdirir. 2024-cü ilin əvvəlindən etibarən bu mexanizmlər süni intellekt (AI) əsaslı moderasiya alətləri ilə gücləndirilib.
