Pezeşkian: İran xalqı düşmənlərin “məkrli planlarına” sarsıdıcı cavab verdi

İran İslam Respublikasının prezidenti Məsud Pezeşkian bəyan edib ki, 12 yanvar tarixində Tehranda keçirilən kütləvi mitinq İranın düşmənlərinin planlarını pozub və ölkənin ərazi bütövlüyünü qorumaq əzmini nümayiş etdirib.

Bu barədə Pezeşkianın axşam televiziya müraciətindən sitatları Al Mayadeen telekanalı yayıb.

Prezident vurğulayıb ki, milyonlarla insanın iştirakı ilə keçirilən aksiya milli birliyin və dövlətə dəstəyin açıq göstəricisi olub və xarici təzyiqlərə qarşı aydın mesaj verib.

Fars agentliyinin məlumatına görə, Tehran küçələrində keçirilən kütləvi yürüşdə təxminən 3 milyon nəfər iştirak edib. Qeyd olunur ki, bu siyasi aksiyanın təşəbbüskarı olan Pezeşkian özü də nümayişçilərə qoşulub.

DenMedia.az