Şah sülaləsinin varisi iğtişaşlara çağırır

İran şah sülaləsinin varisi Rza Pəhləvi ölkədə keçirilən etiraz aksiyalarının iştirakçılarını hakimiyyətin güc yolu ilə ələ keçirilməsinə çağırıb. O, bu müraciəti X sosial şəbəkəsində yayımlayıb.

“Məqsədimiz sadəcə küçələrə çıxmaq deyil”, — deyə Pəhləvi bildirib.

Onun sözlərinə görə, etirazların əsas hədəfi şəhərlərin mərkəzlərinin ələ keçirilməsinə və nəzarətdə saxlanılmasına hazırlıqdır.

Pəhləvi həmçinin ölkə üzrə işçiləri ümumi tətilə başlamağa çağırıb.

Bu bəyanat İranda etirazların davam etdiyi, bir sıra şəhərlərdə isə sərt toqquşmaların yaşandığı bir vaxta təsadüf edir.

DenMedia.az