Yeni Android virusu parolları və bank məlumatlarını ekrandan oxuyur

Android Authority yazır ki, Android sistemli smartfonlarda Sturnus adlı yeni virus aşkarlanıb və o, sözün əsl mənasında istifadəçinin ekranında görünən bütün məlumatları oxuya bilir.

Virus sadəcə ekran görüntüsünə baxmaqla kifayətlənmir — şifrələnmiş məlumatları belə aşaraq Telegram və Signal kimi messencerdəki mesajlara daxil olur.

Sturnus ekran vasitəsilə:
• parolları toplaya bilər,
• bank tətbiqlərini izləyə bilər,
• şəxsi yazışmaları oxuya bilər,
• ümumilikdə telefondakı məlumatları analiz edə bilər.

Mütəxəssislərin sözlərinə görə, virus çox zaman Google Chrome və digər məşhur tətbiqlər kimi maskalanır, ehtimal ki, internetdə yayılan apk-fayllar vasitəsilə yayılır.

DenMedia.az