İsrail Qətəri buna görə vurub – ŞOK SƏBƏB

Qətərin paytaxtı Dohada HƏMAS-ın baş qərargahına endirilən hava hücumu təşkilatın əsas müzakirəçiləri, xüsusilə Xəlil əl-Hayy və Zahir Cabarini məhv etmək məqsədi daşıyırdı. Hər ikisi İsrail girovları ilə bağlı danışıqlarda sərt və barışmaz mövqeləri və kompromis əldə etməyi çətinləşdirən şəxslər kimi tanınırdılar.

DenMedia.az xəbər verir ki, bir çox mənbələr əməliyyatın məqsədinin HƏMAS rəhbərliyinin ən radikal fiqurlarını danışıqlar prosesindən kənarlaşdırmaq və dialoqa hazır olanlara meydanı buraxmaq olub.

Məsələ burasındadır ki, son vaxtlar HƏMAS rəhbərliyində fikir ayrılıqları yaranıb: əl-Hayy güzəştə meyilli olan və Amerikanın son təklifini nəzərdən keçirməyə hazır şəxs kimi tanınan Qəzza şəhər briqadasının komandiri İzzəddin əl-Həddadla münaqişədə idi.

İndi ola bilsin ki, məhz Əl-Həddad və ya HƏMAS rəhbərliyinin Türkiyədə yerləşən ikinci və üçüncü eşelonlarının nümayəndələri gələcək danışıqlarda əsas rol oynayacaqlar.

Zərbənin ikinci məqsədi İsrailin HƏMAS və vasitəçilərə qətiyyətini nümayiş etdirməkdir. Mesaj aydındır: girovların azad edilməsi, Həmas döyüşçülərinin Qəzzadan çıxarılması məcburi şərtlərdir. Əks halda, İsrail dünyanın istənilən yerində təşkilatın liderlərini təqib etməyə səy göstərəcək.

Ancaq Doha açıq şəkildə hücumu beynəlxalq hüququn pozulması kimi pisləyib və istintaqa başlanıldığını elan edib. Çox güman ki, Qətər bir müddət İsraillə danışıqlarda iştirakını və təmaslarını dayandıracaq. Amma təcrübə göstərir ki, bu cür fasilələr adətən dialoqun tədricən bərpası ilə müşayiət olunur.

Beləliklə, Dohada gizlənən Həmas liderlərinə zərbə təkcə hərbi əməliyyat deyil, həm də İsrail, ABŞ, Qətər və HƏMAS-ın maraqlarının kəsişdiyi daha böyük diplomatik oyunun tərkib hissəsidir. Bu, danışıqların arxitekturasını dəyişmək və minimal kompromisləri qeyri-mümkün edənləri prosesdən kənarlaşdırmaq cəhdidir.