Zelenski üçün SON anons: Sənədi o imzalamayacaq – Sui-qəsd…

“Politico” nəşri Avropa rəsmilərinin Ukraynadakı münaqişənin nizamlanması çərçivəsində 40 kilometrlik bufer zonanın yaradılmasına dair müzakirə apardıqlarını yazıb. Nəşrin məlumatına görə, bu təklif mümkün sülh sazişinin tərkib hissəsi kimi nəzərdən keçirilir.

Bildirilir ki, bu təklif Rusiya ilə Ukrayna arasında atəşkəs və ya müharibədən sonrakı tənzimləmə ssenariləri çərçivəsində müzakirə olunan variantlardan biridir. Lakin ABŞ-ın bu istiqamətdə müzakirələrə qatılmaması maraq doğurur.

Ərazidə bufer zonanın yaradılması hansı nəticələrə gətirib çıxara bilər?

Denmedia.az xəbər verir ki, bu barədə Globalinfo.az-a danışan siyasi şərhçi Kənan Novruzov bildirib ki, ümumi razılıq əldə olunmasa, bufer zonanın heç bir əhəmiyyəti qalmayacaq:

“Rusiya özünün aqressiv ritorikasından əl çəkməsə və Ukrayna hələ də oyuna qurban getməyə hazır olacaqsa, bufer zona yaradılsa belə, müharibə yenidən başlaya bilər. ABŞ Avropa ilə razılığa gəlməlidir. Müharibənin əsas “kor düyün”ü məhz ABŞ və Avropa arasındakı ziddiyyətlərdir.

Rəsmi Vaşinqton müharibənin bitməsində bir neçə səbəbdən maraqlıdır:

Müharibə bitdikdən sonra Ukraynaya investisiya qoyacaq.

Rusiya ilə münasibətlərin normallaşdırılması və iqtisadi əlaqələrin bərpasını istəyir.

Rusiya-Ukrayna müharibəsindən sonra diqqətini Çin və Yaxın Şərqlə münasibətlərə yönəldəcək.

ABŞ Prezidenti Donald Tramp Nobel Sülh mükafatına iddialıdır.

Avropa isə əksinə, müharibənin uzanmasında maraqlıdır. Çünki Avropa ölkələri Ukraynadan sonra hədəf ola biləcəklərinə görə narahatdırlar. Bununla yanaşı, Kiyevə silah satırlar. Müharibə davam etdikcə, Avropa öz iqtisadi maraqlarını təmin edir”.

Kənan Novruzov

Siyasi şərhçi bildirib ki, Avropa faktoru olmasa, ABŞ müharibəni daha asanlıqla bitirə bilərdi:

“Rusiyanın maksimalist siyasəti fonunda müharibənin tezliklə sona çatması gözlənilmir. Kreml əlavə torpaqların ələ keçirilməsində maraqlıdır. Ukrayna Prezidenti Volodimir Zelenski isə güzəştə getmək istəmir, çünki buna görə “vətən xaini” adlandırıla bilər.

Hər halda, Ukrayna və Rusiya arasında müharibə gec-tez sona çatacaq. Lakin sülh sənədinə Ukrayna tərəfdən imza atan şəxs Zelenski olmayacaq. O vaxta qədər ya öldürüləcək, ya da hakimiyyətdən devriləcək.”