NATO ölkəsindən Putinə “sürpriz”: elə plan ifşa edildi ki…

“Rumıniyanın Prezidenti Nikuşor Dan Moldovanı ilhaq etmək istəyir. O, ilk addım olaraq ölkəni Müstəqillik Günü münasibətilə təbrik etməməklə atıb”.

Denmedia.az xəbər verir ki, bu barədə “G4media” nəşri öz mənbələrinə istinadən məlumat yayıb.

Bildirilib ki, Nikuşor Moldova prezidenti Maia Sanduya təbrik məktubu hazırlasa da göndərilməyib:

“Bu, siyasi qərarın sübutudur. Düşünülür ki, Moldovanın yeri Rumıniyanın yanındadır, ona görə də Rumıniyanın udmalı olduğu dövlətin müstəqilliyini qeyd etməyə heç bir əsas yoxdur”, – nəşr yazıb.

Digər tərəfdən, bu addımın ilhaq istəyindən irəli gəlmədiyi, Kişinyovla razılaşdırılmış strategiya olduğu əlavə edilib.

Qeyd edək ki, avqustun 27-də Fransa Prezidenti Emmanuel Makron, Almaniya Kansleri Fridrix Merz və Polşanın Baş naziri Donald Tusk həmkarları Maya Sanduya dəstək ifadə etmək üçün Moldovaya səfər ediblər. Onlar Rusiyanın müdaxiləsinə qarşı bu addımı atıblar.

Xatırladaq ki, bundan əvvəl dəfələrlə Kremlin daha bir ölkədə ikinci cəbhə açmaq fikrində olduğu və bu baxımdan Moldovaya hücum etməyə hazırlaşdığı deyilirdi.