Tramp İran xalqına səsləndi: “Nə vaxt üsyan edəcəksiniz?”
ABŞ Prezidenti Donald Tramp İran xalqını ölkə rəhbərliyinə qarşı “ayağa qalxmağa və mübarizəyə başlamağa” səsləyib. Bu bəyanat ABŞ və İran arasında hərbi qarşıdurmanın yenidən kəskinləşdiyi bir vaxtda səslənib.
Tramp bildirib ki, ABŞ-nin hazırkı mövqeyindən daha çox razıdır və Hörmüz boğazı üzərində üstünlüyə malik olduqlarını iddia edib.
“Hazırkı vəziyyətimiz mənim daha çox xoşuma gəlir: Hörmüz boğazı üzərində demək olar ki, tam nəzarətimiz var, onların iqtisadiyyatı isə tamamilə dağılır. Onlar sadəcə qaçılmaz olanı gecikdirirlər. İran xalqı nə vaxt ayağa qalxacaq və mübarizəyə başlayacaq?” – Tramp deyib.
İran iqtisadiyyatı ABŞ-nin təzyiqləri və neft ixracındakı ciddi azalma fonunda ağır vəziyyətlə üzləşsə də, Tehran iqtisadiyyatın “tamamilə çökdüyü” fikrini rədd edir.
