Əminə Ərdoğandan Makrona nəzakətli, amma qəti jest

Türkiyə Prezidenti Rəcəb Tayyib Ərdoğanın xanımı Əminə Ərdoğan rəsmi qarşılama mərasimi zamanı Fransa Prezidenti Emmanuel Makronun onun əlini öpmək cəhdini tamamlamasına imkan verməyib.

Bu barədə NTD News telekanalının yaydığı görüntülərə istinadən məlumat verilib.

Kadrlarda Makronun Türkiyənin birinci xanımına yaxınlaşaraq hörmət ifadəsi kimi onun əlini öpməyə çalışdığı görünür. Lakin Əminə Ərdoğan nəzakətli, amma qəti şəkildə bu jestin qarşısını alıb və Makronun biləyindən tutaraq hərəkəti dayandırıb.

Beynəlxalq etiket üzrə ekspertlərin fikrincə, bu cür jestlər rəsmi görüşlərdə hər zaman uyğun sayılmır. Xüsusilə müsəlman ölkələrinin nümayəndələri ilə təmas zamanı salamlaşmada daha çox məsafəli davranış, təmassız salamlama və ya sadə əl sıxma üstün tutulur.

Görüş zamanı Türkiyə Prezidenti Rəcəb Tayyib Ərdoğan isə Fransa birinci xanımı Brijit Makronun əlini sıxıb.