Serbiya Prezidenti vəzifədən gedə bilər

Serbiya Prezidenti Aleksandar Vuçiç dövlət başçısı vəzifəsindən getmək ehtimalını istisna etmədiyini və ölkənin baş naziri postuna namizədliyini irəli sürmək variantını nəzərdən keçirdiyini bildirib.

Vuçiç “Belqrad” radiosunun efirində deyib:

Mən istefaya getməyi planlaşdırıram, bu barədə sizə məlumat verəcəyəm, heç kim üçün sürpriz olmayacaq. Prezident iqamətgahında kitablarımı yığmağa başlamışam, onların sayı çoxdur.

O qeyd edib ki, səlahiyyətlərini hətta üç-dörd aydan daha tez də təhvil verə bilər.

Dövlət başçısı həmçinin bildirib ki, ölkənin baş naziri vəzifəsinə namizədliyini irəli sürmək imkanını “hər gün” düşünür.

Vuçiç ilk dəfə 2017-ci ildə Serbiya prezidenti seçilib, 2022-ci ildə isə ikinci müddətə yenidən seçilib. Onun prezidentlik səlahiyyətləri 2027-ci ildə başa çatır.

DenMedia.az