Brüsseldən yeni təzyiq siqnalı: Rusiya və İran dəstəyi cavabsız qalmayacaq
saida
Avropa İttifaqının diplomatiya rəhbəri Kaya Kallas bildirib ki, Aİ Rusiya və ya İranı dəstəkləyən tərəfdaş ölkələrə ayrılan maliyyəni yenidən nəzərdən keçirə bilər.
Bu barədə Euractiv portalı məlumat yayıb.
Əgər tərəfdaş Rusiya və ya İranı dəstəkləyirsə, bu halda qarşılıqlı fəaliyyətimizi yenidən qurmaq üçün çeviklik göstərməlidir,
— deyə Kallas bildirib.
Bununla belə, Avropa diplomatiyasının rəhbəri konkret hansı tədbirlərin nəzərdə tutulduğunu açıqlamayıb.
Qeyd edək ki, Kaya Kallas mayın 17-də ABŞ, Çin və Rusiyanı Avropa İttifaqını “dağıtmaq” istəməkdə ittiham etmişdi. Apreldə isə o bildirmişdi ki, Ukraynadakı münaqişə başa çatdıqdan sonra belə, Avropa Rusiya ilə normal münasibətlərə qayıtmayacaq.
Aİ diplomatiyasının rəhbəri həmçinin Rusiyanı “hibrid hücumlarda” ittiham edib və bu hücumların, onun sözlərinə görə, “inanılmaz miqyaslara” çatdığını bildirib.
Kallas avropalıları Rusiyaya qarşı sanksiyaları sərtləşdirməyə, Moskvanı məsuliyyətə cəlb etməyə, Rusiyanın beynəlxalq təcridini təmin etməyə və xüsusi hərbi əməliyyatda iştirak edən rusiyalı hərbçilər üçün Avropa ölkələrinin sərhədlərini bağlamağa çağırıb.
