Trampın İran "kartı əlində qaldı": Senat məhdudiyyətə “yox” dedi
saida
səlahiyyətlərini məhdudlaşdırmağa yönəlmiş qətnaməsini yenidən bloklayıb. Bu barədə CBS News məlumat yayıb.
Qətnamənin qəbulunun əleyhinə 50 senator, lehinə isə 49 senator səs verib. Respublikaçılar Rend Pol, Syuzan Kollinz və Liza Murkovski demokratları dəstəkləyiblər. Senator Con Fetterman isə qətnamənin əleyhinə səs verən yeganə demokrat olub.
Senator Ceff Merkli tərəfindən hazırlanan sənəd Konqres tərəfindən icazə verilmədiyi halda ABŞ Silahlı Qüvvələrinin İrandakı döyüş əməliyyatları zonasından çıxarılmasını tələb edirdi. Fevralın 28-də münaqişə başlayandan bəri demokratlar oxşar qətnamələri artıq altı dəfə irəli sürməyə çalışıblar. Son səsverməyədək bu təşəbbüsü dəstəkləyən yeganə respublikaçı Rend Pol idi.
1973-cü il Hərbi Səlahiyyətlər haqqında qanuna əsasən, Konqres müharibə elan etməsə və ya hərbi gücdən istifadəyə icazə verən qanun qəbul etməsə, Prezident 60 gün tamam olduqdan sonra hərbi əməliyyatları dayandırmalıdır.
Müddətin yaxınlaşması fonunda administrasiya bildirib ki, bu norma tətbiq edilmir, çünki geri sayım aprelin 7-də atəşkəsin elanından sonra başa çatmış sayılır. Tramp mayın 1-də Konqres liderlərinə göndərdiyi məktubda İranla “döyüş əməliyyatlarının” dayandırıldığını bildirib.
Demokratlar isə bu mövqeyi mübahisələndirirlər. Merkli səsvermədən əvvəl jurnalistlərə deyib ki, 60 günlük müddətin dayandırılması arqumentini qəbul etmir. Onun sözlərinə görə, müharibə “başqa mərhələdədir və yenidən kəskinləşə bilər”.
Senatın Beynəlxalq Münasibətlər Komitəsinin sədri Cim Riş Ağ Evin mövqeyini dəstəkləyərək bildirib ki, qətnamədə qeyd olunan “döyüş əməliyyatları” hazırda mövcud deyil.
Məhdudiyyət təşəbbüsünün müəlliflərindən biri olan senator Tim Keyn isə səsverməni respublikaçıların Konqresin rolu məsələsində “ardıcıllığını” yoxlayan test adlandırıb.
