Aİ üçün təhlükə siqnalı - əhali azalır

Avropa İttifaqı əhalisinin gələcək demoqrafik mənzərəsi ciddi dəyişikliklər vəd edir. Eurostatın proqnozuna görə, 2025-ci ildən 2100-cü ilə qədər Aİ əhalisi 53 milyon nəfər azalacaq.

2025-ci ildə əhalinin sayı 451,8 milyon nəfər kimi qiymətləndirilib. Pandemiyadan sonra yenidən artım qeydə alınsa da, bu trend uzun sürməyəcək.

Əhalinin sayı 2029-cu ildə 453,3 milyon nəfərlə zirvəyə çatacaq, bundan sonra isə davamlı azalma başlayacaq.

Proqnozlara əsasən, 2100-cü ilə qədər əhali 398,8 milyon nəfərə enəcək. Lakin məsələ təkcə sayda azalma deyil — struktur daha ciddi dəyişir.

Əsas problem qocalan cəmiyyət və azalan işçi qüvvəsidir.

Gələcək onilliklərdə uşaq və gənclərin payı azalacaq, əmək qabiliyyətli əhali isə daralacaq. Əksinə, yaşlı əhali sürətlə artacaq.

– 0-19 yaş qrupu 20%-dən 17%-ə düşəcək
– 20-64 yaş arası əhali 58%-dən 50%-ə enəcək
– 65-79 yaş qrupu 16%-dən 17%-ə yüksələcək
– 80 yaşdan yuxarı əhali isə 6%-dən 16%-ə qədər artacaq

DenMedia.az