ABŞ-da 2028 seçkiləri üçün yeni ad gündəmdə

Politico nəşrinin yazdığına görə, ABŞ prezidenti Donald Trampın yaxın çevrəsində dövlət katibi Marko Rubionun gələcək prezident seçkilərində ciddi namizəd ola biləcəyi getdikcə daha çox səsləndirilir.

Məlumata görə, Rubionun mövqeləri onun administrasiyada fəal rolu və Trampa sadiqliyi ilə güclənib.

Ağ Ev rəsmilərindən biri Rubionu “sadiq, çox ağıllı və təcrübəli” siyasətçi kimi xarakterizə edib.

Bununla belə, nəşr qeyd edir ki, Rubio hələlik vitse-prezident Cey Di Vensin namizədliyinə qarşı çıxmaq niyyətində deyil. Eyni zamanda, Vens hələ də Trampın əsas mümkün varislərindən biri hesab olunur və güclü siyasi dəstəyə malikdir.

Mənbələrin sözlərinə görə, Ağ Ev daxilində Rubionun potensial namizədliyi müzakirə olunsa da, onun geniş dəstək qazanıb-qazanmayacağı və ümumiyyətlə seçkilərdə iştirak edib-etməyəcəyi hələ qeyri-müəyyəndir.

DenMedia.az