Yaponiya hökuməti silah ixracına icazə verdi
saida
Yaponiya hökuməti müdafiə avadanlıqlarının ötürülməsinə dair “üç prinsip”in yenidən nəzərdən keçirilməsi barədə qərarı rəsmi olaraq təsdiqləyib.
Qərarla uzun illər mövcud olan silah ixracı məhdudiyyətlərinin, o cümlədən öldürücü silahların ixracına qoyulan qadağaların yumşaldıldığı bildirilir. Bu barədə Yaponiya Nazirlər Kabinetinin baş katibi Minoru Kixara məlumat verib.
O bildirib ki, hazırkı dövrdə heç bir ölkə təhlükəsizliyini təkbaşına təmin edə bilmir.
Onun sözlərinə görə, bu səbəbdən Yaponiya öz müdafiə-sənaye və texnoloji bazasını gücləndirməlidir. Bununla belə, baş katib Tokio hökumətinin “sülh dövlətinin əsas prinsiplərinə” sadiq qalacağını da vurğulayıb.
