Tramp keçmiş FTB rəhbərinin ölümünə sevindi: "Tanrıya şükür, onun öldüyünə şadam"
saida
ABŞ prezidenti Donald Tramp sosial şəbəkə Truth Social-da keçmiş FTB direktoru və xüsusi prokuror Robert Müllerin ölümü ilə bağlı sevinc ifadə edən paylaşım edib.
“Robert Müller az əvvəl vəfat etdi. Tanrıya şükür, onun öldüyünə şadam. O artıq günahsız insanlara zərər verə bilməyəcək”, – deyə paylaşımda qeyd olunub.
Robert Müller 81 yaşında vəfat edib. O, 2016-cı il ABŞ seçkilərinə Rusiya müdaxiləsi ilə bağlı araşdırmaya rəhbərlik edən xüsusi prokuror kimi tanınırdı.
2018-ci ilin iyulunda onun rəhbərlik etdiyi istintaq çərçivəsində 12 Rusiya vətəndaşına ittiham irəli sürülmüşdü.
Araşdırma zamanı həmçinin Donald Trampın seçki kampaniyasının keçmiş rəhbəri Pol Manaforta qarşı da ittihamlar irəli sürülmüşdü. O və tərəfdaşları Viktor Yanukoviçin Partiyası ilə əməkdaşlıqdan əldə etdikləri gəlirləri gizlətməkdə ittiham olunmuşdu.
Bundan əlavə, 2018-ci ilin fevralında 13 Rusiya vətəndaşı “trol fabriki” fəaliyyəti ilə bağlı ittiham edilmişdi – onların sosial şəbəkələr vasitəsilə seçki kampaniyasına təsir göstərdiyi iddia olunurdu.
