ABŞ və İsrail Netanyahunun səhhəti barədə həqiqəti gizlədir - İDDİA

ABŞ jurnalisti və fəalı Kendis Ouens bildirib ki, ABŞ və İsrail hakimiyyəti İsrailin baş naziri Binyamin Netanyahu­nun səhhəti ilə bağlı həqiqi məlumatları gizlədir. O, bu barədə sosial şəbəkə X-də yazıb.

Onun sözlərinə görə, Vaşinqton bu məsələni birbaşa araşdırmalı olsa da, siyasətçilər susmağa üstünlük verirlər.

“ Netanyahunun səhhəti ilə bağlı məlumatların gizlədilməsi baş verir. ABŞ hökuməti bu məsələ ilə birbaşa məşğul olmalıdır, lakin susmaq barədə göstəriş var. Nə baş verir? Onlar artıq kifayət qədər yalan danışmayıblar?” — deyə Ouens yazıb.

İsrail baş nazirinin guya öldüyü ilə bağlı konspirasiya iddiasını daha əvvəl sahibkar Kim Dotkom da səsləndirib. O, yayımlanan videolarda Netanyahunun görüntülərinin süni intellekt vasitəsilə yaradılmış ola biləcəyini ehtimal edib.

Bundan başqa, Helsinki Universitetinin professoru Tuomas Malinen də sosial şəbəkə X-də İsrail hökumət başçısının ölmüş ola biləcəyi barədə versiya irəli sürüb.

DenMedia.az