İranın ali lideri sosial şəbəkələrdə qeydiyyatdan keçdi

İranın ali lideri Muctəba Xamenei sosial şəbəkələrdə rəsmi hesablar açıb.

Məlumata görə, o, X sosial şəbəkəsində və Telegram messencerində hesab yaradıb və bir neçə saat əvvəl ilk paylaşımını – öz fotosunu yayımlayıb.

Hazırda X platformasında onun hesabını 37 mindən çox istifadəçi izləyir. Xamenei isə yalnız bir hesabı izləyir – bu hesab onun mərhum atası və İranın keçmiş ali lideri Əli Xameneiyə məxsusdur.

İran liderinin seçdiyi istifadəçi adı @Rahbarenghelab olub. Bu söz fars dilində “İnqilabın lideri” mənasını verir.

Bundan əlavə, Telegram-da “Ayatollah Sayyid Mojtaba Khamenei” adlı kanal yaradılıb. Kanalın təsvirində ali liderin bəyanatlarının burada yayımlanacağı qeyd olunub. Hazırda kanala iki mindən çox istifadəçi abunə olub.

Denmedia.az