Meksikada xaos – onlarla məhkum həbsxanadan qaçdı

Meksikanın Xalisko ştatında regional həbsxanadan silahlı hücum nəticəsində qaçış baş verib. Bu barədə Juan Pablo Hernandez NMas telekanalına açıqlamasında bildirib. Hadisə nəticəsində 23 məhkum azadlığa çıxıb, bir mühafizəçi isə həlak olub.

Rəsmi məlumata görə, hazırda azadlıqdan məhrum edilmiş 23 nəfər axtarışdadır və onların saxlanılması üçün federal qurumlara müvafiq bildirişlər göndərilib.

İnsident Puerto-Vallyarta şəhərində baş verib. Hadisə bölgədə nüfuzlu narkokartellərdən birinin liderinin zərərsizləşdirilməsindən sonra başlayan kütləvi iğtişaşlar fonunda qeydə alınıb. Söhbət daha əvvəl terror təşkilatı kimi tanınmış "Jalisco New Generation Cartel"in liderlərindən birindən gedir.

Hakimiyyət orqanlarının məlumatına görə, hücum edənlər əvvəlcə həbsxana binasına atəş açıblar, daha sonra isə avtomobillə darvazanı sındıraraq içəri daxil olublar.

Denmedia.az