Ankara Ukrayna üzrə vasitəçiliyə hazır olduğunu açıqladı

Türkiyə Ukrayna üzrə sülh prosesinin iştirakçıları tərəfindən müraciət olacağı təqdirdə bütün zəruri vasitəçilik yardımını göstərməyə hazır olduğunu bəyan edib. Bu barədə RİA Novosti-yə türk diplomatik mənbə məlumat verib.

Mənbə bildirib ki, münaqişənin nizamlanması üçün tələb olunacaq istənilən dəstək göstərilə bilər.

Bundan əvvəl Ankara Moskva, Vaşinqton və Kiyev arasında yeni danışıqlar mərhələsinin təşkili ilə bağlı heç bir rəsmi sorğu almadığını açıqlamışdı.

Danışıqların növbəti mərhələsinin Cenevrədə keçirilməsi ehtimalı irəli sürülsə də, Rusiya tərəfi fevralın 20-də bu məlumatı təsdiqləməyib. Kreml sözçüsü Dmitri Peskov tarix və məkanın yalnız razılıq əldə olunduqdan sonra açıqlanacağını bildirib.

Fevralın 17–18-də İsveçrənin Cenevrə şəhərində Rusiya–ABŞ–Ukrayna formatında üçüncü raund baş tutub. Rusiya nümayəndə heyətinin rəhbəri Vladimir Medinski görüşün “ağır, lakin işgüzar” keçdiyini deyib.

Denmedia.az