Tramp kəşfiyyat rəhbərləri ilə qapalı brifinqə başladı

ABŞ Prezidenti Donald Tramp kəşfiyyat icmasının nümayəndələri ilə qapalı brifinqə başlayıb. Brifinqin mövzusu rəsmi olaraq açıqlanmır.

Tədbir Yaxın Şərqdə geosiyasi gərginliyin artması və Vaşinqtonun İranla bağlı ritorikasının sərtləşməsi fonunda keçirilir. ABŞ administrasiyasının nümayəndələri daha əvvəl diplomatik istiqamətdə irəliləyiş olmadığı təqdirdə müxtəlif fəaliyyət variantlarının nəzərdən keçiriləcəyini bildirmişdilər.

Ağ Evin qrafikinə əsasən, brifinqdən sonra ABŞ Prezidenti Nazirlər Kabinetinin iclasını keçirəcək. Daha sonra isə cümə günü Bakı vaxtı ilə saat 01:30-da Oval kabinetdən bəyanatla çıxış edəcək. Ağ Ev bu tədbirlərin milli təhlükəsizlik sahəsində konkret qərarlarla əlaqəli olub-olmadığını açıqlamır.