Minnesotada 19 milyard dollar oğurlanıb: Trampdan şok iddia
saida
ABŞ Prezidenti Donald Trump Minnesota ştatında ən azı 19 milyard dolların mənimsənildiyini bildirib. Onun sözlərinə görə, bu hal yerli hakimiyyət orqanlarının qanunsuz miqrantların deportasiyasına qarşı çıxması fonunda baş verib.
Tramp bu açıqlamanı NewsNation telekanalına müsahibəsində, Ağ Evdə ikinci müddətinin birinci ildönümü münasibətilə verib.
“Ən azı 19 milyard dollar oğurlanıb. Düşünürəm ki, bu rəqəm xeyli yüksək olacaq”, — deyə Tramp qeyd edib.
O əlavə edib ki, oxşar problemlər California və digər ştatlarda da müşahidə olunur. Trampın sözlərinə görə, administrasiyanın siyasətinə qarşı etirazları “peşəkar, pulla tutulmuş şəxslər” təşkil edir və onları aktyorlara bənzədib.
ABŞ Prezidenti vurğulayıb ki, iğtişaşların arxasında yerli olmayan təşviqatçılar və anarxistlər dayanır.
