Kiyevdə gecə hücumu: özəl klinika alova büründü

5 yanvar gecəsi Rusiya qüvvələri Kiyevə hücum edib. Paytaxtın Obolon rayonunda mərminin qalıqlarının düşməsi nəticəsində özəl tibb müəssisəsində yanğın baş verib.

Şəhər rəhbərliyinin və Ukrayna Dövlət Fövqəladə Hallar Xidmətinin məlumatına görə, yanğın tibb müəssisəsinin dörd mərtəbəli binasının ikinci mərtəbəsində, stasionar şöbənin yerləşdiyi hissədə alovlanıb. Binadan insanlar təxliyə edilib, yanğın isə qısa müddətdə söndürülüb.

Hücum nəticəsində bir nəfər həlak olub. Kiyev meri Vitali Kliçko bildirib ki, özəl klinikanın 26 pasiyentindən 16-sı paytaxtın bələdiyyə xəstəxanalarına köçürülüb. Hücum zamanı xəsarət alan 3 nəfərdən 2-si ağır vəziyyətdə hospitalizasiya olunub.

DenMedia.az