Meqan Markl atasının amputasiyasına reaksiya vermədi — ailə dramı dərinləşir
saida
Daily Star yazır ki, Meqan Markl atasının xəstəxanaya yerləşdirilməsinə və ayağının amputasiya olunmasına heç bir reaksiya verməyib.
81 yaşlı Tomas Markl Filippinlərdə 2 dekabrda özünü pis hiss etdikdən sonra xəstəxanaya aparılıb. Müayinədən sonra həkimlər onun sol ayağının dizaltı hissəsinin tromb səbəbindən amputasiya edilməsinin zəruri olduğunu bildiriblər. Əməliyyat uğurla keçib və hazırda onun vəziyyəti sabitdir.
Buna baxmayaraq, Meqan Markl atasının ağır xəstəliyi ilə bağlı nə əlaqə saxlayıb, nə də hər hansı reaksiya verib — hətta bu xəbər dünya mediasında geniş yayılmasına baxmayaraq.
Meqan Markl atasından 2018-ci ildə, Prens Harri ilə toy ərəfəsində uzaqlaşıb. Toy öncəsi Tomas Markl Britaniya tabloidləri üçün pullu qurama fotosessiyalarda iştirak etmişdi: şəkillərdə o, internet-kafedə qızının toy xəbərlərini oxuyur və mərasim üçün kostyum ölçdürürdü. Meqan bunu özündən qazanc əldə etmək cəhdi kimi qiymətləndirib. Nəticədə Tomas Markl toyda iştirak etməyib.
Həmin il onda iki infarkt baş versə də, Meqan Markl onu xəstəxanada ziyarət etməyib. Prens Harrinin həyat yoldaşı atasının və ögey qardaşının barışıq çağırışlarını da görməzdən gəlib. 2022-ci ildə Tomas Markl insult keçirdikdən sonra da münasibətlər bərpa olunmayıb.
Avqustda Meqan Marklın böyük bacısı Samanta Markl onu yenidən məhkəməyə verib. Samanta onu 2021-ci ildə Opra Uinfriyə verdiyi məşhur müsahibədə “açıq-aşkar yalan və zərərli açıqlamalar” səsləndirməkdə ittiham edir.
