Rusiyada daha bir hava limanında məhdudiyyətlər tətbiq edildi

Rusiyanın Samara Hava Limanında təyyarələrin gəlişi və uçuşuna müvəqqəti məhdudiyyətlər tətbiq edilib.

DenMedia.az  xəbər verir ki, bu barədə Rusiya Federal Hava Nəqliyyatı Agentliyinin (Rosaviasiya) mətbuat xidməti məlumat yayıb.

Gelenjik və Saratov hava limanlarında isə təyyarələrin gəlişi və uçuşuna məhdudiyyətlər qaldırılıb. Məlumata görə, Gelendjik hava limanı Moskva vaxtı ilə səhər saat 8:30-dan etibarən uçuşları qəbul etməyə hazırdır. Məhdudiyyətlərin uçuş təhlükəsizliyini təmin etmək üçün tətbiq olunduğu bildirilib.

Krasnodar Hava Limanında uçuşlara əlavə müvəqqəti məhdudiyyətlər hələ də qüvvədədir. Mövcud qaydalara əsasən, hava limanı yalnız Moskva vaxtı ilə səhər saat 9:00-dan axşam saat 7:00-dək planlaşdırılmış uçuşları qəbul edir.

Gecə ərzində Rusiya bölgələri üzərində 33 pilotsuz təyyarə vurulub. Bunlardan 16-sı Rostov vilayəti üzərində, yeddisi Krasnodar diyarı üzərində, altısı Qara dəniz üzərində, üçü Belqorod vilayəti üzərində və biri Kursk vilayəti üzərində məhv edilib.