Ağ Ev jurnalistləri ifşa etdi: “Saxta xəbərlər siyahısı” yayımlandı
saida
ABŞ prezidenti Donald Trampın administrasiyası “yalan xəbərlərdə yaxalanan” media qurumları üçün virtual “saxta xəbərlər siyahısı” istifadəyə verib. Bu barədə Ağ Evin mətbuat katibi Kerolayn Levitt sosial şəbəkə X-də məlumat yayıb.
“Tramp administrasiyası saxta xəbərlərə görə media qurumlarını məsuliyyətə cəlb edir — indiyə qədər görünməmiş şəkildə”, — deyə Levitt bildirib.
Ağ Evin rəsmi saytında artıq xüsusi bölmə açılıb. Orada administrasiyanın fikrincə yalan məlumat yayan jurnalistlərin və nəşrlərin siyahısı yerləşdirilib. Siyahıda The Washington Post, Axios və CNN kimi media qurumları var.
9 noyabrda Levitt bildirmişdi ki, BBC də saxta media kimi qiymətləndirilir və Tramp haqqında “yalanlar yaydığı” iddia olunur.
Prezident Tramp daha əvvəl MSNBC və CNN kanallarını “zir-zibil” adlandırmış və onları İranın nüvə infrastrukturu ilə bağlı açıqlamalarını şübhə altına qoymaqda günahlandırmışdı.
