Qlobal uçuş xaosu başladı: A320-lər üçün təcili xəbərdarlıq yayıldı

Dünya üzrə bir çox aviaşirkət Airbus A320 təyyarələrində proqram təminatının (PТ) yenilənməsi səbəbindən gecikmə və ləğvetmələr barədə məlumat verməyə başlayıb.

“Airbus-dan direktiv aldıqdan sonra bir sıra təyyarələrdə proqram təminatının yenidən kalibrlənməsi aparılacaq. Bu isə müəyyən reyslər arasında fasilələrin uzanmasına və iş qrafikimizdə gecikmələrə səbəb olacaq”, — Flynas şirkəti X platformasında bildirib.

Eyni addımı Air New Zealand da təsdiqləyib. Şirkətin məlumatına görə, yenilənmə səbəbindən bəzi reyslərin icrasında çətinliklər yarana bilər.

NDTV-nin aviasiya mənbələri isə Hindistanın IndiGo, Air India və Air India Express aviaşirkətlərində də oxşar problemlərin yarana biləcəyini açıqlayıb.

Airbus nəyi aşkarladı?

Bir neçə saat əvvəl Airbus bildirmişdi ki, A320 seriyası üçün təcili proqram yeniləməsi həyata keçiriləcək. Şirkətin analitikləri müəyyən edib ki:

“Günəş radiasiyasının yüksək intensivliyi uçuşun idarə olunması üçün vacib olan bəzi məlumatların təhrifinə səbəb ola bilər.”

Bu səbəbdən bütün A320 parkında təcili PТ yeniləməsi tələb olunur.

İlk ciddi nəticələr

• Air France – 35 reys ləğv olunub
• All Nippon Airways (ANA) – 65 daxili uçuş təxirə salınıb

Yaxın saatlarda daha çox aviaşirkətin oxşar açıqlama verməsi gözlənilir.

DenMedia.az