Tramp 45 illik hökmü ləğv etdi: keçmiş Honduras prezidenti əfv olundu

ABŞ Prezidenti Donald Tramp 45 il həbs cəzası almış Hondurasın keçmiş prezidenti Orlando Ernandesi tam şəkildə əfv etdiyini açıqlayıb.

Bu barədə o, Truth Social hesabında məlumat verib, DenMedia.az xəbər verir.

Tramp bildirib:

“Mən keçmiş prezident Xuan Orlando Ernandesə tam və yekun əfv verdiyimi elan edirəm. Çox hörmət etdiyim insanların sözlərinə görə, onunla çox sərt və ədalətsiz davranılıb.”

ABŞ lideri həmçinin Hondurasın hazırda “siyasi və maliyyə uğuruna doğru irəlilədiyini” vurğulayıb.

Ernandes 2024-cü ilin iyununda həbs cəzasına məhkum edilmişdi. 2022-ci ildə ona narkotik ticarəti və silah saxlama ilə bağlı ittihamlar irəli sürülmüşdü. DEA-nin məlumatına görə, o, prezidentlik vaxtı Sinaloa karteli ilə əməkdaşlıq edib və ölkə ərazisindən narkotrafikə şərait yaradıb. Bunun qarşılığında isə kartelin lideri, «El Çapo» kimi tanınan Xoakın Qusmandan pul aldığı iddia olunur.