Səma kilidləndi: Vilnüsdə uçuşlar müəmmalı obyektlərə görə dayandırıldı
saida
Vilnüs hava limanının üzərindəki hava məkanı təcili qaydada mülki uçuşlar üçün bağlanıb. Bu barədə məlumatı dispetçer xidmətindəki mənbəyə istinadən TASS yayıb. Qadağaya səbəb göydə qeydə alınmış naməlum obyektlər olub.
Hadisə onsuz da gərgin vəziyyəti daha da çətinləşdirib. Günün əvvəlində Varşavadan gələn təyyarə güclü qar fırtınası səbəbindən uçuş-enmə zolağından çıxmış, hava limanının işi saatlarla dayanmışdı. Ardınca isə səmanın üstündə görünən naməlum cisimlər təhlükəsizlik rejimini daha da sərtləşdirib.
Mənbənin sözlərinə görə:
“20:30-dan etibarən hava limanının üstündəki hava məkanında bütün uçuşlar dayandırılıb — göydə naməlum obyektlər qeydə alınıb.”
Hazırda hava limanının işi məhdudlaşdırılıb, təhlükəsizlik xidmətləri ərazini nəzarətdə saxlayır.
