Greta Tunberq Venesiyada istintaqa cəlb olundu

Venesiyanın prokurorluğu isveçli ekoaktivist Greta Tunberq və Extinction Rebellion hərəkatının daha 36 üzvü barəsində istintaq açıb. Bu barədə Repubblica yazıb.

İttihama səbəb — Gранд-kanalda keçirilmiş icazəsiz aksiya. Araşdırmaya görə, Tunberq və aktivistlər şəhər su tramvayından kanala toksik olmayan, parlaq-yaşıl rəngli maddə töküblər. Ekspertizalar göstərib ki, zərər verilməyib, lakin aksiya qanunsuz sayıldığı üçün prokurorluq işi bu əsasla açıb.

Tunberq və digər iştirakçılar 150 avro cərimələnib, onlara 48 saatlıq Venesiyaya giriş qadağası tətbiq olunub.

Hadisə 22 noyabrda baş vermişdi. Rəngli su görüntüləri sosial şəbəkələrdə yayılmış, Veneto bölgəsinin qubernatoru Luka Dzayya aksiyanı “mədəni irsə hücum” adlandırmışdı. Onun sözlərinə görə, belə performanslar ekologiyaya kömək etmir, əksinə şəhərə əlavə ziyan vurur.

DenMedia.az