ABŞ-ın yeni sülh planı Avropanı hiddətləndirdi: “Putini razı salmaq üçün yazılıb!”
saida
ABŞ-ın təklif etdiyi Rusiya-Ukrayna münaqişəsinin sülh yolu ilə həlli planı Avropa diplomatları və rəsmiləri tərəfindən kəskin şəkildə tənqid olunub. DenMedia.az Politico-a istinadən xəbər verir ki, onlar Vaşinqtonun Kiyevə “pis saziş” qəbul etdirməyə yönəlmiş yeni yanaşmasından ciddi narazıdırlar. Bir Avropa diplomatı bildirib:
«Bu, əlbəttə ki, narahatlıq yaradır. Amma biz mövqeyimizi qorumaq məcburiyyətindəyik. Əgər Rusiya bununla asanlıqla qurtulsa, bu, yalnız vaxt məsələsidir — həm Ukraynada, həm də Aİ və NATO ölkələrində yeni aqressiya dalğası görəcəyik».
ABŞ planı ilə tanış olan yüksək vəzifəli avropalı rəsmilər isə sənədi çox sərt qiymətləndirirlər. Onlardan biri planı belə xarakterizə edib:
«Bu, sadəcə olaraq Putini razı salmaq üçün yazılmış bəndlər siyahısıdır. Çox pis plandır».
Rəsmi əlavə edib ki, ABŞ-dan gələn siqnallar Kiyevi bu planı qəbul etməyə “sürükləməyə” çalışdıqlarını göstərir.
Digər bir Aİ rəsmisi isə zamanlamanın Ukrayna üçün ən uğursuz məqamda gəldiyini vurğulayıb:
«Zelenski artıq həm Rusiyanın hərbi üstünlüyü, həm də daxildəki korrupsiya qalmaqalı səbəbindən çox güclü təzyiq altındadır».
