Atəşkəsə baxmayaraq, Qəzzada yeni hücumlar — 25 ölü, 77 yaralı

Qəzzada axşam saatlarında İsrail ordusunun atəşkəsi pozaraq müxtəlif yaşayış məntəqələrinə endirdiyi zərbələr nəticəsində ölənlərin sayı 25 nəfərə çatıb.

Səhiyyə Nazirliyinin açıqlamasında bildirilir ki, hücumlarda qadınlar və uşaqlar da həyatını itirib, 77-dən çox insan isə yaralanıb.

“Atəşkəs çərçivəsində İsrail ordusunun çıxarıldığı bölgələr yenidən hədəfə alınıb,” — Qəzza Mülki Müdafiə Xidməti məlumat yayıb.

Nazirlik təsdiq edib ki, Qəzzanın paytaxtındakı Zeytun rayonuna endirilən aviazərbə nəticəsində bir qadın və bir uşaq həlak olub.

Palestina mediasının məlumatına görə, hücumlar Zeytun, Şucaiyyə (Qəzza şəhəri) və Xan-Yunis şəhərinin Mavasi rayonlarında qeydə alınıb.

DenMedia.az