ABŞ Venesuelaya qarşı üç gizli hərbi plan hazırlayır – Trampın seçimləri nələrdir?
saida
ABŞ prezidenti Donald Trampın Venesuelaya qarşı hərbi təzyiq üçün üç fərqli ssenarini nəzərdən keçirdiyi ehtimal olunur. Bu barədə “Lenta.ru”ya açıqlamasında amerikaşünas, “Dubravski Konsaltinq” agentliyinin rəhbəri Pavel Dubravski danışıb.
Analitikin sözlərinə görə, birinci ssenari Venesuelanın hərbi bazalarına və infrastruktur obyektlərinə uzaqmənzilli zərbələr endirməkdən ibarətdir. Vaşinqton hesab edir ki, belə zərbələr ölkənin daxili müxalifətinə “ümid verəcək” və onları hakimiyyət çevrilişinə təhrik edə bilər.
İkinci ssenari – xüsusi təyinatlıların tətbiqi və məsələn, Venesuela prezidentinin qaçırılması və ya fiziki olaraq zərərsizləşdirilməsi. Dubravskinin sözlərinə görə, ABŞ hərbi komandanlığının böyük hissəsi bu planı real hesab etmir.
Üçüncü ssenari, Trampın hazırda üstünlük verdiyi variant kimi qiymətləndirilir: ABŞ-ın Venesuela sahillərinə yaxın ərazilərdə hərbi mövcudluğunu tədricən artırması və prezident Nikolás Maduraya güc yolu ilə təzyiq göstərməsi.
Dubravskinin fikrincə, bu siyasətin son məqsədi Karakası ABŞ korporasiyalarına Venesuela yataqlarının işlənməsi üçün giriş imkanı verməyə məcbur etmək ola bilər.
Vaşinqton və Karakas arasında münasibətlər sentyabrın əvvəlində kəskin pisləşdi. Tramp açıq şəkildə prezident Nikolás Maduronu narkoticarətə və transsərhəd mütəşəkkil cinayətkarlığa himayədarlıq etməkdə ittiham etdi. Onun sözlərinə görə, Venesuela lideri və onun yaxın dairəsi “Tren de Aragua” və “Günəş Karteli” adlı kriminal qruplaşmaların üzvləridir.
