ABŞ-da siyasi barış siqnalları — demokratlar respublikaçılarla eyni cəbhədə

ABŞ Senatında demokratlar hökumətin işini bərpa edəcək qanun paketinə respublikaçılarla birlikdə səs verməyə hazırlaşır — bu barədə Axios mənbələrinə istinadla məlumat yayıb.

Xəbərdə bildirilir ki, ən azı on demokrat senator prosedur səsverməsində qanun layihələrini dəstəkləyəcək.

Mənbələrin sözlərinə görə, bu razılaşma “Xəstələrin müdafiəsi və əlçatan səhiyyə haqqında qanuna” (Affordable Care Act, ACA) və federal qulluqçuların kütləvi ixtisarı üzrə səsvermənin keçirilməsi müqabilində əldə olunub.

Hazırda ABŞ-da 1 oktyabrda başlayan “şatdaun” — yəni federal hökumətin fəaliyyətinin qismən dayanması davam edir. 14 cəhdə baxmayaraq, Senat dövlət qurumlarının müvəqqəti maliyyələşdirilməsi barədə qanun layihəsini qəbul edə bilməyib və bu, böhrana səbəb olub.

1 noyabrda prezident Donald Tramp bildirib ki, şatdaun şəraitində Ərzaq Yardımı Proqramına vəsait ayırmaq hüquqi baxımdan mümkün deyil.

DenMedia.az