Tramp İrandan gələn siqnalları “dinləməyə hazırıq” mesajı ilə cavabladı

ABŞ prezidenti Donald Tramp bildirib ki, Tehran Vaşinqtondan İrana qarşı sanksiyaların ləğvini xahiş edib və Amerika administrasiyası İslam Respublikasının rəhbərliyini dinləməyə hazırdır.

“Düzünü desəm, İran soruşur ki, sanksiyaları aradan qaldırmaq mümkündürmü. İrana qarşı çox sərt Amerika sanksiyaları qüvvədədir, bu da onların istədiklərini etməsini çox çətinləşdirir. Mən onları dinləməyə hazıram. Görək nə alınacaq, amma hazıram,” — deyə Tramp noyabrın 6-da Ağ Evdə Mərkəzi Asiyanın beş respublikasının liderləri ilə görüşdə söyləyib.

Xatırladaq ki, Tramp fevralın 4-də Vaşinqtonun Tehran üzərində “maksimum təzyiq” siyasətinin bərpası barədə sərəncam imzalayıb. Sənədin məqsədi İranın nüvə silahı əldə etməsinin qarşısını almaqdır. Qərar həmçinin ABŞ-ın İran neftinin ixracını azaltmaq üçün səylərini artırmasını nəzərdə tutur.

DenMedia.az