Keçmiş “Nə? Harada? Nə zaman?” oyunçusu yenidən gündəmdə

“Nə? Harada? Nə zaman?” verilişinin keçmiş iştirakçısı Rövşən Əsgərov (RF-də xarici agent kimi tanınıb və terrorçular siyahısına salınıb) inzibati qayda pozuntusuna görə məhkəmə qərarı ilə cərimələnib.

DenMedia.az xəbər verir ki, bu barədə RIA Novosti məhkəmə materiallarına istinadla məlumat verib.

Cərimənin məbləği 40 min rubl təşkil edir.

Məhkəmə icraçılarının məlumatına görə, Əsgərov hələ də ümumilikdə 90 min rubl məbləğində iki cəriməni ödəməyib. Onların icrası ilə bağlı icraat başlanılıb.

Məhkəmə keçmiş oyunçunu hesabat təqdim etmədiyinə və “xarici agent” kimi fəaliyyətinə dair tələb olunan qeyd və bildirişləri yerləşdirmədiyinə görə cərimələyib.