Kiyevə kütləvi dron hücumu - 26 nəfər yaralandı

Oktyabrın 26-na keçən gecə Rusiya ordusu Kiyevə kütləvi dron hücumu həyata keçirib.

DenMedia.az xəbər verir ki, hücum nəticəsində paytaxtda yanğın və dağıntılar baş verib.

Məlumata görə, altı uşaq olmaqla 26 nəfər yaralanıb. Zərbələr əsasən Desnyanski və Obolonski rayonlarına dəyib.

Ukrayna Hərbi Hava Qüvvələrinin məlumatına görə, saat 02:23 radələrində Kiyev istiqamətinə bir qrup “Şahed” tipli kamikadze dronu hərəkət edib. Bir neçə dəqiqə sonra paytaxt Kiyevdə hava həyəcanı elan olunub. Saat 2:30-dan başlayaraq şəhərdə partlayış səsləri eşidilib.

Hadisə yerinə xilasedicilər və tibb briqadaları cəlb olunub.

Xatırladaq ki, oktyabrın 25-nə keçən gecə Rusiya qüvvələri paytaxt Kiyevə ballistik raket zərbələri endirib. Kiyevin üç rayonu, Dneprovski, Desnyanski və Darnitski hücum nəticəsində zərər görüb.