ABŞ lideri doğrudanmı “əla vəziyyətdə”dir? Tibbi hesabat nələri göstərir

ABŞ prezidenti Donald Tramp planlı tibbi müayinədən keçib və həkimlərin rəsmi rəyinə görə, onun səhhəti əla vəziyyətdədir.

DenMedia.az xəbər verir ki, kompleks tibbi baxış Vaşinqton yaxınlığındakı Uolter Rid Hərbi-Tibbi Mərkəzində aparılıb.

Məruzəyə əsasən, Trampın sağlamlıq göstəriciləri sabit və norma daxilindədir.

Xüsusilə diqqət çəkilən məqam isə prezidentin “kardioloji yaşı”nın onun real yaşından təxminən 14 il az olmasıdır.

“Prezident Tramp istisna dərəcədə yaxşı fiziki formadadır, onun ürək-damar, tənəffüs, sinir və dayaq-hərəkət sistemlərinin fəaliyyəti yüksək səviyyədədir,” — deyə həkimin rəyində qeyd olunur.

Beynəlxalq səfərlərə hazırlıq çərçivəsində Trampa qrip və COVID-19 əleyhinə profilaktik peyvəndlər vurulub.

Xatırladaq ki, 2025-ci ilin yayında prezidentin ayaqlarında ödem və qollarında göyərmələr müşahidə olunduğuna dair xəbərlər yayılmışdı.
Lakin Ağ Evin mətbuat katibi bu halların yaşa bağlı venoz çatışmazlıq və tez-tez baş verən əl sıxışmaları ilə əlaqəli olduğunu açıqlamışdı.